Ўш шаҳрида тақиқланган жойларга ахлат ташлаган одамларга тушунтириш ишлари олиб борилмоқда. Бу ҳақда шаҳар мэрияси хабар бермоқда.
Маълумотларга кўра, ушбу ишни «Тозалик» компанияси ва шаҳар мэрияси ходимлари олиб бормоқда. Хусусан, Ленин ва Қурманжон Датҳо кўчалари бўйлаб ахлат ташлангани ҳақида хабарлар берилмоқда. Қоидабузарларга ёзма равишда огоҳлантириш берилмоқда. Қурманжон Датҳо кўчасидаги дўкон эгаларига огоҳлантириш берилди.
